MUndum interiturum esse, ídque Igni, paucis
iam vidimus. De tempore huius conflagrationis proximè quærendum est. Fertur animus humanus cæco impetu ad investigandum futura, &
quod assequi non potest suis viribus, à rebus aliis
petit : sictísque quibusdam signis, quasi à numine aliquo institutis, aut incitatis, eorum motus & mutationes rerum futurarum indices constituit : Hæc sacra sames res præsciendi, tot divinationum generibus, in omni ævo & in omni gente, Græcâ, Romanâ, Barbarâ, originem dedit. Quòd si de temporibus rebúsque futuris quærendum sit, de fine
mundi instituta quæstio, quæ aliarum omnium rationes & momenta complectitur, digna est imprimis, quam excutiamus.
Si ex intuitu & contemplatione causarum naturalium, Mundi exitum tempúsque incendii desiniri
posse putarem, ordo postularet, ut in sinem operis
reiiceretur hæc disquis?io ; ut, causis priùs expositis, earumque viribus, si tandem invalescerent, &