βοοκ 0
ξη. 0
Ἀρριανὸς Λουκίῳ Γελλίῳ χαίρειν.
[σεξτ. 1]
Οὔτε συνέγραψα ἐγὼ τοὺς Ἐπικτήτου λόγους οὕτως
ὅπως ἄν τις συγγράψειε τὰ τοιαῦτα οὔτε ἐξήνεγκα εἰς
ἀνθρώπους αὐτός, ὅς γε οὐδὲ συγγράψαι φημί.
[σεξτ. 2]
ὅσα δὲ
ἤκουον αὐτοῦ λέγοντος, ταῦτα αὐτὰ ἐπειράθην αὐτοῖς
ὀνόμασιν ὡς οἷόν τε ἦν γραψάμενος ὑπομνήματα εἰς
ὕστερον ἐμαυτῷ διαφυλάξαι τῆς ἐκείνου διανοίας καὶ
παρρησίας.
[σεξτ. 3]
ἔστι δὴ τοιαῦτα ὥσπερ εἰκὸς ὁποῖα ἄν τις
αὐτόθεν ὁρμηθεὶς εἴποι πρὸς ἕτερον, οὐχ ὁποῖα ἂν ἐπὶ
τῷ ὕστερον ἐντυγχάνειν τινὰς αὐτοῖς συγγράφοι.
[σεξτ. 4]
τοιαῦτα
δ' ὄντα οὐκ οἶδα ὅπως οὔτε ἑκόντος ἐμοῦ οὔτε εἰδότος
ἐξέπεσεν εἰς ἀνθρώπους.
[σεξτ. 5]
ἀλλ' ἐμοί γε οὐ πολὺς λόγος,
εἰ οὐχ ἱκανὸς φανοῦμαι συγγράφειν, Ἐπικτήτῳ τε οὐδ'
ὀλίγος, εἰ καταφρονήσει τις αὐτοῦ τῶν λόγων, ἐπεὶ καὶ
λέγων αὐτοὺς οὐδενὸς ἄλλου δῆλος ἦν ἐφιέμενος ὅτι μὴ
κινῆσαι τὰς γνώμας τῶν ἀκουόντων πρὸς τὰ βέλτιστα.
εἰ μὲν δὴ τοῦτό γε αὐτὸ διαπράττοιντο οἱ λόγοι οὗτοι,
[σεξτ. 6]
ἔχοι<εν> ἂν οἶμαι ὅπερ χρὴ ἔχειν τοὺς τῶν φιλοσόφων
λόγους:
[σεξτ. 7]
εἰ δὲ μή, ἀλλ' ἐκεῖνο ἴστωσαν οἱ ἐντυγχάνοντες
ὅτι, αὐτὸς ὁπότε ἔλεγεν αὐτούς, ἀνάγκη ἦν τοῦτο πάσχειν
τὸν ἀκροώμενον αὐτῶν ὅπερ ἐκεῖνος αὐτὸν παθεῖν ἠβούλετο.
[σεξτ. 8]
εἰ δ' οἱ λόγοι αὐτοὶ ἐφ' αὑτῶν τοῦτο οὐ διαπράττονται, τυχὸν μὲν ἐγὼ αἴτιος, τυχὸν δὲ καὶ ἀνάγκη οὕτως ἔχειν. ἔρρωσο.
|