Personae
Iu.
Cupio paucis te consulere, si vacat.
Ec.
Vacat.
Iu.
Et si venio tibi gratus iuvenis.
Ec.
Venis.
Iu.
Sed potesne mihi et de futuris dicere verum, Echo?
Ec.
*)/EXW >
Iu.
Et Graece nosti? Quid istuc novi?
Ec.
Novi.
Iu.
Qualia tibi videntur Musarum studia?
Ec.
*DI/A.
Iu.
Censes igitur terendos auctores, qui conducunt ad bonas literas?
Ec.
Teras.
Iu.
Quam igitur mentem habent isti, qui haec studia linguis traducunt suis?
Ec.
Suis.
Iu.
Sed utinam harum cultores similiter essent et pietatis studiosi!
Ec.
O si!
Iu.
Nunc quorundam improbitas omnes reddit invisos.
Ec.
*)/ISWS.
Iu.
Et multis hominum peccatum confertur in nomen eruditionis.
Ec.
*)/ONOIS.
Iu.
Atqui vulgo videntur non infimi.
Ec.
Fimi.
Iu.
Quid facere censes eos, qui terunt aetatem in sophistico doctrinae genere?
Ec.
Nere.
Iu.
Fortassis telas aranearum?
Ec.
Harum.
Iu.
At Penelopes telas texunt ac retexunt.
Ec.
Texunt.
Iu.
Cui suades, ut me dem vitae instituto?
Ec.
Tuto.
Iu.
Erit auspicatum, si uxorem duxero?
Ec.
Sero.
Iu.
Quid si mihi veniat usu, quod his, qui incidunt in uxores parum pudicas, parumque frugiferas?
Ec.
Feras.
Iu.
Atqui cum talibus morte durior est vita.
Ec.
Vita.
Iu.
Siccine in rebus humanis dominari fortunam.
Ec.
Unam.
Iu.
Magis fortassis expedit, ut aliquis prae coniugio monachi institutum eligat.
Ec.
Ligat.
Iu.
Quid superest remedii, ubi quem adstrinxerit iam nodus insolubilis?
Ec.
Bilis.
Iu.
Attamen miserum est homines vivere solos.
Ec.
*(/OLWS.
Iu.
Cuiusmodi censes horum temporum plerosque monachos?
Ec.
*)/AXOS.
Iu.
Quid igitur istos movet, qui suspiciunt illos ut semideos?
Ec.
*DE/OS.
Iu.
Quid captant plerique qui ambiunt sacerdotium.
Ec.
Otium.
Iu.
Praeterea nihil habet sacerdos?
Ec.
*KE/RDOS.
Iu.
Quid bonae rei contigit illis, qui fiunt episcopi?
Ec.
*KO/POI.
Iu.
At nulli magis vivunt in ocio.
Ec.
Scio.
Iu.
Quae res illos admonere poterit, ut intelligant, quantum sustineant onus?
Ec.
*(O NOU=S.
Iu.
Ergo res praeclara sacerdotium, si quis se in eo gerendo qualem oportet praebeat?
Ec.
Beat.
Iu.
Quid fructus erit, si me conferam in aulam eorum, qui praecellunt monarchica dignitate.
Ec.
Ate.
Iu.
At non paucos video, qui solent illinc sibi praeclaram felicitatem ariolari.
Ec.
*LA/ROI.
Iu.
At interim dum incedunt holosericati, vulgo videntur homines magnifici.
Ec.
Fici.
Iu.
Foris igitur aureos, intus ficulneos homines dicis, si quis inspiciat cominus?
Ec.
Minus.
Iu.
Nihil igitur praeclari sunt, quos pro diis veneramur byssinos?
Ec.
*SI/NOS.
Iu.
Nec militare genus magno aestimabis fortasse.
Ec.
Asse.
Iu.
Magnum quiddam pollicentur, qui e sideribus et futura praedicunt Astrologi.
Ec.
*LO/GOI.
Iu.
At strenue laborant Grammatici.
Ec.
*EI)KH=|.
Iu.
Non placent, opinor, leguleii homines semper famelici.
Ec.
*LU/KOI /.
Iu.
Qualis ero, si fiam opifex.
Ec.
Faex.
Iu.
Itane nihil praeterea adferunt artes boni aut mali?
Ec.
Ali.
Iu.
Fuerone beatus si perseveravero in bonis literis?
Ec.
Eris.
Iu.
Sed quae res dabit ut adsit pietas?
Ec.
Aetas.
Iu.
Decem iam annos aetatem trivi in Cicerone.
Ec.
*)/ONE.
Iu.
Unde tibi subit me asinum dicere?
Ec.
E re.
Iu.
Non placet igitur is, qui se per omnem vitam tantum in hoc torqueat, ut fiat Ciceronianus.
Ec.
*)/ANOUS.
Iu.
Quid superest natu grandibus, quorum aetas ad haec discenda non est tempestiva?
Ec.
Stiva.
Iu.
Facundior esses, opinor, si longius abessem.
Ec.
Essem.
Iu.
Non me delectant sermones dissyllabi.
Ec.
Abi.
Iu.
Coepi prior; video non posse vitari, quin posterior desinas.
Ec.
Sinas.
Iu.
Iam igitur tibi videor satis instructus ad ea probe gerenda, quae sunt in vita?
Ec.
Ita.
Iu.
Proinde si me voles abire, dicito.
Ec.
Ito.
