Ne lectoris fastidium moveatur, orthographia recenti usus sum, secundum glossiarium maximum cui nomen est Lewis & Short. Editionum orthographia multum variatur. Haec est orthographia editionis principis: caeteri —> ceteri coena —> cena exolvo, exurgo, exequor et alia vocabula in -ex(s)- —> exsolvo, exsurgo, exsequor, etc. Imo —> Immo lacryma/lachryma —> lacrima literae —> litterae littus —> litus pene —> paene poenitentia (et similia) —> paenitentia sequutus, loquutus —> secutus, locutus solicito —> sollicito
E fabula Barclaii Titus Livius redolet in verbis, e.g. scripsere pro scripserunt, subiere pro subierunt. Ut lectu tironibus facilior fabula sit, semper subiêre pro subiere = subierunt scripsi. (DeÛm pro vocabulo Deum = Deorum scripsi.)
Quamquam ego hoc opere laborans interpunctionem temporis litterarum renatarum, in qua quodque fere comma puncto aliquo finiatur ut lectoribus sensus perspicuissimus sit, amare coepi, tamen interpunctione recenti et (ut vera dicam) anglica usus sum.